ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ចៅក្រមជំនុំជម្រះសាលាដំបូងរាជធានីភ្នំពេញ បដិសេធបណ្តឹងសុំនៅក្រៅឃុំដែលធ្វើឡើងដោយមេធាវីលោក នី ណាក់

  • ចុះផ្សាយថ្ងៃទី០១ ខែកក្កដា ឆ្នាំ២០២៤ ម៉ោង ១៦:០៩ នាទី ដោយ EAC News
  • 2345
  Aa |   aA

រាជធានីភ្នំពេញ៖ ចៅក្រមជំនុំជម្រះនៃសាលាដំបូងរាជធានីភ្នំពេញ លោក ទិតសុទ្ធី បូរ៉ាឆាត បានសម្រេចមិនអនុញ្ញាតឱ្យជនជាប់ចោទឈ្មោះ នី ណាក់ ភេទប្រុស នៅក្រៅឃុំបណ្ដោះអាសន្ន តាមពាក្យស្នើសុំនៅក្រៅឃុំរបស់លោក ជួង ជូងី ជាមេធាវីការពារសិទ្ធិឡើយ ដោយមេធាវីការពារសិទ្ធិរបស់ជនជាប់ចោទបានអះអាងថាកូនក្ដីរបស់ខ្លួនមានជំងឺប្រចាំកាយ។ 

នៅក្នុងសវនាការពិភាក្សាលើពាក្យសុំនៅក្រៅឃុំនេះ លោក សេង ហៀង ព្រះរាជអាជ្ញារង និងជាតំណាងអយ្យការក្នុងសំណុំរឿងនេះ បានផ្តល់យោបល់បដិសេធដោយលើកហេតុផលសំខាន់ៗចំនួន ២ គឺទី១៖ នៅក្នុងមន្ទីរអប់រំកែប្រែ និងមណ្ឌលឃុំខ្លួនសុទ្ធតែមានក្រុមគ្រូពេទ្យប្រចាំការ និងទី២៖ ជនជាប់ចោទរូបនេះធ្លាប់ជាប់ពន្ធនាគារម្តងហើយ ដែលនេះគឺជាករណីមិនរាងចាល ដូច្នេះតំណាងអយ្យការសុំបដិសេធលើការស្នើសុំនៅក្រៅឃុំដែលធ្វើឡើងដោយមេធាវីការពារសិទ្ធិជនជាប់ចោទនៅពេលនេះ។ 

គួររំឮកថា លោក ញឹម ពិសាល ចៅក្រមស៊ើបសួរនៃសាលាដំបូងរាជធានីភ្នំពេញ បានសម្រេចឃុំខ្លួនបណ្ដោះអាសន្ន និងបញ្ជូនទៅសំណុំរឿងក្នុងករណីចោទប្រកាន់លើឈ្មោះ នី ណាក់ ពីបទល្មើស ការមិនរាងចាលក្នុងបទមជ្ឈិមបន្ទាប់ពីការផ្តន្ទាទោសបទមជ្ឈិម, បរិហារកេរ្តិ៍ជាសាធារណៈ និងញុះញង់ឱ្យមានការរើសអើង កាលពីថ្ងៃទី១២ និងថ្ងៃទី១៧ ខែធ្នូ ឆ្នាំ២០២៣ តាមបញ្ញត្តិមាត្រា៨៨, មាត្រា៣០៧, មាត្រា៤៩៥​ និងមាត្រា៤៩៦ នៃក្រមព្រហ្មទណ្ឌ។ 

គួរបញ្ជាក់ផងដែរថា ឈ្មោះ នី ណាក់ ធ្លាប់ជាប់ពន្ធនាគារម្តងហើយកាលពីឆ្នាំ២០២០ និងទើបតែចេញពីពន្ធនាគារកាលពីអំឡុងខែមិថុនា ឆ្នាំ២០២១ ប៉ុណ្ណោះ ដោយកាលណោះតុលាការសម្រេចផ្តន្ទាទោសដាក់ពន្ធនាគាររយៈពេល ១៨ខែ ពីបទល្មើស ញុះញង់ឱ្យប្រព្រឹត្តបទឧក្រិដ្ឋជាអាទិ៍៕



ព័ត៌មានជាច្រើនទៀតសម្រាប់អ្នក